Па словах сіноптыкаў, ноччу і раніцай прагназуецца кароткачасовы дождж. Імавернасць ападкаў складае 70-80%. Магчыма навальніца, паведамляюць Мінск-навіны.
Затое ў светлы час сутак будзе цёпла і, хутчэй за ўсё, парасоны не спатрэбяцца
У Белгідрамеце запэўніваюць: днём чакаецца воблачнае з праясненнямі надвор'е. Без істотных ападкаў. Імавернасць дажджу складае 5-10%. Паветра прагрэецца да + 19 … +21°C. Вецер будзе ўсходні, 5-10 м/с. Парывы да 14 м/с.
Сіноптыкі папярэджваюць, што 17 мая месцамі па паўднёва-заходняй палове краіны чакаюцца навальніцы і моцныя дажджы.
