У суполцы ў Telegram «Транспарт Беларусі» з'явілася відэа - на ім пасажырка аўтобус курыць проста ў салоне. TUT.BY даведаўся ў транспартнікаў падрабязнасці гэтай гісторыі.
Гісторыя адбылася ў аўтобусе № 25 у Мінску 15 мая. У праграме «Сталічныя падрабязнасці» на СТБ паведамілі, што пасажыр вырашыла пакурыць, і «на прыпынку «Філімонава» кіроўца вымушаны быў спыніцца, бо з-за дыму ў аўтобусе было немагчыма знаходзіцца».
Аднак, як паведамілі ў аўтобусным парку № 7, пачалося ўсё з канфлікту паміж пасажырам і кіроўцам:
— Гэта здарылася 15 мая. Адбыўся канфлікт - пасажыр абражала кіроўцу, нецэнзурна лаялася. Той выклікаў міліцыю, пакуль чакалі прыезду — пасажырка пакурыла ў салоне. Напэўна, нервавалася.
Паводле інфармацыі аўтобуснага парка, з сітуацыяй разбіраюцца ў міліцыі.
