Гэта будзе ўжо трэцяя аперацыя Анкары ў прыгранічных паўночных раёнах Сірыі. Расія і ЗША аб новай аперацыі папярэджаны, запэўніў турэцкі прэзідэнт, пішуць інфармагенцтвы.
Турцыя збіраецца правесці новую ваенную аперацыю ў кантраляваным курдамі раёне на ўсход ад Еўфрата ў паўночнай частцы Сірыі. Пра гэта ў нядзелю абвясціў прэзідэнт Турцыі Рэджэп Эрдаган падчас адкрыцця аўтамагістралі.
Пра падобныя планы Анкара ўжо заяўляла, аднак рашэнне аб правядзенні новай ваеннай аперацыі было адкладзена пасля таго, як была дасягнутая дамоўленасць з Вашынгтонам аб стварэнні бяспечнай зоны на паўночна-ўсходняй мяжы Сірыі з Турцыяй, якая прадугледжвала ачышчэнне тэрыторыі ад курдскіх Атрадаў народнай самаабароны.
0
0
0
0
0
0