Выбух ля анкалягічнага цэнтру ў сталіцы Эгіпту ў ноч на 5 жніўня забраў жыцьці 19 чалавек, ня менш за 30 пацярпелі, паведамляе радыё «Свабода» са спасылкай на Deutsche Welle. Прычыны выбуху пакуль невядомыя.
Паводле дадзеных эгіпецкага Міністэрства аховы здароўя, выбух адбыўся ў выніку ДТЗ з удзелам некалькіх аўтамабіляў. Паведамляецца, што яго сьледзтвам стаў буйны пажар.
Паліцыя пакуль не паведамляе прычынаў выбуху — генпракурор Эгіпта адправіў на месца здарэньня працоўную групу сьледчых. Некаторыя мясцовыя СМІ пішуць, што прычынай трагедыі мог стаць балён з кіслародам, які разарваўся, аднак незразумела, знаходзіўся ён унутры будынка ці звонку.
У канцы ліпеня авіякампаніі Lufthansa і British Airways абвясьцілі пра часовае спыненьне палётаў у Каір, патлумачыўшы гэтую меру клопатам пра бясьпеку пасажыраў. Падрабязнасьці аб прычынах гэтага кроку авіякампаніі не паведамілі.
