Непрацуючы 30-гадовы мінчук, а ў мінулым злодзей са стажам, прыйшоў у краму бытавой хіміі на вуліцы Карбышава, паведамляе прэс-служба міліцыі.
Мужчына вырашыў узяць гелевыя асвяжальнікі, іх ён і паклаў у пакет — 15 штук. Прадавец пацікавіўся ў мужчыны, ці збіраецца той заплаціць. Зламыснік адказаў, што не збіраецца, і выйшаў з крадзеным таварам з крамы.
Міліцыя затрымала злодзея. Але тавар ён паспеў збыць на адным з рынкаў. Прычым адзін асвяжальнік ён прадаваў за 1 рубель, а на выручаныя грошы набыў спіртныя напоі.
