Герцагіня Сасекская Меган падала пазоў супраць брытанскай газеты Mail on Sunday. Яна лічыць, што газета незаконна апублікавала яе ліст, піша bbc.com.
Прынц Гары заявіў, што пайсці на гэтыя меры яго жонку прымусіла «няспынная прапаганда».
«Я страціў маці, і цяпер я назіраю, як мая жонка становіцца ахвярай усё тых жа ўплывовых сіл», — заявіў Гары, маючы на ўвазе сваю нябожчыцу маці, прынцэсу Дыяну.
Адвакаты герцагіні сцвярджаюць, што артыкулы Mail on Sunday не адпавядаюць рэчаіснасці і зневажаюць годнасць Меган Маркл.
У лютым газета апублікавала рукапісны ліст Меган бацьку, напісаны неўзабаве пасля яе вяселля з Гары.
Юрысты герцагіні падалі пазоў у Высокі суд Лондана супраць газеты і медыякампаніі, якой яна належыць. Яны абвінавачваюць выданне ў неправамерным выкарыстанні прыватнай інфармацыі, парушэнні аўтарскіх правоў і закона аб абароне персанальных дадзеных, прынятага ў 2018 годзе.
Прадстаўнік Mail on Sunday заявіў, што газета лічыць свой артыкул адпаведным усім стандартам і будзе абараняцца ў судзе.
Заява прынца Гары ў сувязі з падачай пазову апублікавана на афіцыйным сайце герцага і герцагіні Сасэкскіх.
Гары піша, што ён і яго жонка вераць у свабоду прэсу і лічаць яе «кутнім каменем дэмакратыі».
«На жаль, мая жонка з нядаўніх часоў стала ахвярай брытанскіх таблоідаў», — дадае ён.
«Бязлітасная кампанія набірала абароты на працягу апошняга года, падчас яе цяжарнасці і клопату аб нашым нованароджаным сыне».
Прынц успамінае сваю маці Дзіяну, прынцэсу Уэльскую, і піша, што яго «самы вялікі страх — што гісторыя паўтараецца».
