92-гадовы жыхар вёскі Лагуны звярнуўся ў міліцыю 1 кастрычніка. Як распавёў мужчына, днём да яго прыйшла прадавачка коўдраў.
Жанчына прапанавала тавар нібы з максімальнай зніжкай для ветэранаў Вялікай Айчыннай вайны і назвала цану.
«Дзядуля пагадзіўся. Вынес ўсе свае зберажэнні, каб адлічыць патрэбную суму. Госця, убачыўшы стос грошай, сказала, што гэтага хопіць, узяла ўсе грошы і выбегла з хаты», — распавёў БелТА Віталь Прыстромаў.
Па словах аднавяскоўцаў, прадавец прыехала на «жыгулях» чырвонага колеру, яна таксама заходзіла да іх і прапаноўвала тавар. Супрацоўнікі крымінальнага вышуку ўстанавілі месцазнаходжанне. 42-гадовая гамяльчанка — затрыманая.
Па факце рабавання (ч.1 арт.206) КК распачата крымінальная справа. Частка грошай канфіскавана.