На тэрыторыі Гродзенскага абласнога цэнтра «Псіхіятрыя-наркалогія» раніцай у сераду выявілі мужчыну без прыкмет жыцця, паведамляе Гродзенская праўда.
Як паведаміў галоўны ўрач Гродзенскага абласнога цэнтра «Псіхіятрыя-наркалогія» Максім Варонка, учора ўвечары мужчына звярнуўся ў прыёмны пакой бальніцы.
— Стан пацыента пагрозы жыццю не ўяўляў. Яму было прапанавана прайсці паўторны агляд раніцай наступнага дня для вырашэння пытання аб далейшым лячэнні, — распавёў ён.
Раніцай цела мужчыны знайшоў адзін з кіроўцаў, які прыбыў на перадрэйсавы медагляд.
— Пры паступленні да нас напярэдадні ніякіх пашкоджанняў у яго на целе не было, - паведаміў Максім Варонка.
Абставіны здарэння высвятляюць праваахоўнікі
0
0
0
0
0
0
