У Гродне нецвярозую дзяўчыну не пусцілі ў клуб, яна пакрыўдзілася і вырашыла «замінаваць» установу, паведамляе міліцыя.
Інцыдэнт адбыўся 15 снежня ў 06.45 раніцы. 25-гадовая жыхарка Гродна патэлефанавала па тэлефоне «102» і заявіла, што ў абласным цэнтры замініраваны начны клуб.
Па названым адрасе выехалі спецслужбы. З забаўляльнай установы эвакуіравалі 70 чалавек.
У ходзе праверкі небяспечных прадметаў у будынку клуба не выявілі. Супрацоўнікі міліцыі сталі высвятляць, хто паведаміў пра мінаванне. У выніку дзяўчыну затрымалі. Тое, што яна знаходзіцца ў стане алкагольнага ап'янення, пацвердзілі ў ходзе агляду.
0
0
0
0
0
0
