Фота з сайта sb.by
Абранне новага старшыні адбылося падчас XXIII з'езда Беларускага саюза мастакоў 17 снежня ў сталічным Палацы мастацтва, піша БелТА.
Глеб Отчык нарадзіўся ў 1983 годзе ў Гомелі. Скончыў Гімназію-каледж мастацтваў імя Ахрэмчыка, Беларускую дзяржаўную акадэмію мастацтваў па спецыяльнасці «манументальна-дэкаратыўнае мастацтва».
З 2007 па 2010 год выкладаў у Мінскім мастацкім вучылішчы імя Глебава. Цяпер выкладчык кафедры малюнка, жывапісу і скульптуры Беларускай дзяржаўнай акадэміі мастацтваў.
Яго творы знаходзяцца ў калекцыях гістарычных музеяў Турава і Мазыра, калекцыі жывапісу аддзела культуры Гомельскага выканаўчага камітэта і абласной бібліятэкі, а таксама ў прыватных калекцыях Беларусі, Расіі, Літвы, Польшчы, Нідэрландаў, Італіі, Венгрыі, Славакіі, Малдовы і Ірландыі.
З 2013 года старшынёй Беларускага саюза мастакоў з'яўляўся мастак Рыгор Сітніца.
