Фота Вадзіма Заміроўскага
Прычына ў тым, што ў эстонскім горадзе Отэпя, дзе павінны былі прайсці спаборніцтвы, няма снегу, паведамілі ў эфіры тэлеканала «Беларусь-1».
Інспектар Міжнароднага саюза біятланістаў 12 лютага пабываў у Раўбічах, каб ацаніць гатоўнасць аб'екта да спаборніцтваў. Там актыўна робяць штучны снег, працуюць нават пры плюсавой тэмпературы, а 20 лютага пачнецца ўкатка трасы.
Чэмпіянат мусіць пачацца 26 лютага. Міжнародны саюз біятланістаў абяцае Беларусі кампенсаваць усе выдаткі.
Трэба сказаць, што ЧЕ па біятлоне не надта цікавае відовішча і не ідзе ў параўнанне з чэмпіянатам свету, што стартуе сёння ў паўночнай Італіі.
Дарэчы, год таму чэмпіянат Еўропы па біятлоне ўжо праводзіўся ў Раўбічах.
0
0
0
0
0
0