44-гадовы Валерый Сяроў памёр у бальніцы. Прычынай стала страта крыві: 10 сакавіка мужчына ўскрыў вены ў судзе Кастрычніцкага раёна Магілёва.
Былая жонка Сярова пацвердзіла інфармацыю карэспандэнту «Нашай Нівы».
Валерый Сяроў, фота з сацсетак
10 сакавіка мусіла адбыцца першае пасяджэнне па справе Сярова. Ён знаходзіўся пад вартай, праходзіў абвінавачваным у крадзяжы: мужчыну пагражала да 4 гадоў зняволення.
Сяроў ускрыў вены непасрэдна падчас пасяджэння, паведаміў тэлеграм-канал «Нехта».
Што падштурхнула мужчыну на трагічны крок, пакуль невядома.
Чытайце таксама: Хацеў напалохаць, але… Што ж адбылося ў судзе, дзе абвінавачаны скончыў жыццё самагубствам
0
0
0
0
0
0
