Магілёвец вырашыў прадаць машыну, для чаго размясціў аб'яву. Праз некаторы час яму патэлефанавала сямейная пара — муж і жонка вырашылі купіць аўто ў растэрміноўку. Нягледзячы на тое, што дакументы засталіся ва ўладальніка, муж і жонка селі ў новы аўтамабіль і з'ехалі, паведамляе міліцыя.
Пакупнікі перасталі выходзіць на сувязь, грошы не аддалі, і адшукаць іх самастойна ў прадаўца не атрымалася.
Высветлілася, што машыну сямейная пара, 28-гадовы грамадзянін Украіны і яго 25-гадовая жонка, змагла перапрадаць.
Шкода склала 16 000 рублёў. Падазраваных арыштавалі, распачалі крымінальную справу.
0
0
0
0
0
0
