Пра смерць Вадзіма Панько 5 мая паведаміў у сваім фэйсбуку сустаршыня БХД Георгі Дзмітрук.
Гэтую інфармацыю «Свабодзе» пацьвердзілі ў евангельскай царкве «Божая ласка», прыхаджанінам якой быў нябожчык.
«Яму было 49 гадоў, пацверджаны COVID-19, — сказаў «Свабодзе» пастар царквы Алег Акуленка. — Не магу сказаць дакладна, колькі часу ён правёў у шпіталі. Верагодна, трапіў туды не адразу. Апошні тыдзень як мінімум быў пад апаратам ШВЛ. Сёння ўначы ён памёр. Такая кароткая інфармацыя. Нешта больш пра яго, пра яго жыццё расказаць змогуць яго родныя. Так будзе правільна».
Па словах святара, маці і жонка памерлага Вадзіма Панько таксама хварэюць, цяпер яны на ізаляцыі.
0
0
0
0
0
0
