У Бразіліі за суткі ад звязаных з каранавірусам захворванняў памерлі 1179 чалавек, паведаміла міністэрства аховы здароўя краіны, піша Deutsche Welle.
Гэты паказчык з'яўляецца самым высокім за ўвесь час пандэміі. Агульная колькасць смяротных вынікаў склала 17 971. Усяго ў Бразіліі на каранавірус захварэлі 271 885 чалавек.
Як удакладняе агенцтва AFP, прэзідэнт Жаір Балсанару, які прытрымліваецца вельмі правых поглядаў, знаходзіцца ў адкрытым канфлікце з большасцю з губернатараў 27 штатаў краіны, паколькі ён перамяншае значэнне пандэміі і настойвае на спыненні абмежавальных мер у інтарэсах выратавання эканомікі.
0
0
0
0
0
0
