Трагедыя адбылася на вадасховішчы непадалёк ад вёскі Маркавічы. Група падлеткаў адпачывала і купалася, піша sb.by.
Дзеці бачылі, як іх таварыш даплыў да сярэдзіны вадаёма, знік пад вадой і больш не ўсплыў. Яны патэлефанавалі ў МНС, тыя звязаліся са спецыялістамі Асвода.
Праз некалькі гадзін вадалазы паднялі з дна цела 15-гадовага хлопчыка.
Праводзіцца праверка.
Спецыялісты папярэджваюць, што вада яшчэ халодная, лёгка атрымаць сутаргі. Яны нагадваюць, што купацца трэба ў спецыяльна адведзеных месцах, пры наяўнасці выратавальнага паста і магчымасці аператыўна атрымаць медыцынскую дапамогу.
0
0
0
0
0
0
