Фота: «Настаўніцкая газета»
«Залатое пяро» Беларусі Андрэй Мукавозчык апублікаваў на sb.by чарговую калонку. На гэты раз яна прысвечана блогеру Нехта.
У калонцы Мукавозчык назваў блогера «брахлом», адрэагаваўшы на публікацыю ў яго тэлеграм-канале «флэшмобу сілавікоў».
«Дарэчы, па колькасці формаў, эмблем, пасведчанняў, значкоў і іншай атрыбутыкі ясна і іншае: сам «нехта» — гэта гразь на вяроўцы, сопля ў палёце. За ім стаяць сур'ёзна арганізаваныя людзі з нядрэнным фінансаваннем. Гэта значыць — замежная спецслужба. А можа, і не адна. Але «нехта» — ён яшчэ і правакатар, горшы за папа Гапона», — піша калумніст прэзідэнцкай газеты.
«Поп Гапон быў, урэшце, задушаны сваімі ж. Нават і не ўспомню, ці было гэта ў выключна жаночай кампаніі. Жыццё правакатараў наогул нервовае і вымотвае. Але канец заўсёды — ганебны», — завяршыў свой артыкул Мукавозчык.
Мінінфарм прызнаў Мукавозчыка найлепшым аналітыкам Беларусі
Найлепшы! Мукавозчык сёлета выйграў яшчэ і «Залатое пяро»
