Ва ўнівермагах Мінска ўжо пачалі працаваць школьныя кірмашы, паведамілі Мінск-навінам у Галоўным упраўленні спажывецкага рынку Мінгарвыканкама.
Пастаўка тавараў для школьнікаў пачалася загадзя, яшчэ ў маі, і працягнецца да верасня.
Па арыенціровачных падліках спецыялістаў, экіпіроўка школьнікаў малодшых класаў абыдзецца бацькам ад 221 да 762 рублёў, старшакласнікаў — ад 292 да 879 рублёў. У набор увойдуць адзенне, абутак, галантарэйныя тавары і школьныя тавары.
Таксама ва ўнівермагах дзейнічаюць праграмы растэрміноўкі плацяжу, а таксама ладзяцца дні зніжак, калі цана тавару зніжаецца на 20-35 %. Шматдзетным сем'ям зніжка 10 % прадастаўляецца пастаянна.
А вось агульнагарадскі школьны кірмаш каля Палаца спорту ў гэтым годзе вырашылі не праводзіць.
— Лагічна, што ў краме асартымент ўсё роўна будзе шырэйшы, чым пры выязным гандлі, ды яшчэ пад адкрытым небам, дзе многае залежыць ад умоў надвор'я. Дождж пайшоў —некамфортна, спякота — некамфортна. А ў краме працуе кандыцыянер, дастаткова кабінак. Таму сталічныя прадпрыемствы прапануюць гараджанам найбольш зручныя ўмовы для пакупак. Школьны асартымент ўжо рэалізуецца ва ўсіх універмагах, колькасць тавараў будзе павялічвацца, — пракаментавалі ва ўпраўленні.
