Фота Надзеі Бужан
У нядзелю — чацверты дзень паездак Трыумвірату ў складзе Святланы Ціханоўскай, Марыі Калеснікавай і Веранікі Цапкалы па Беларусі.
Насамрэч, у мінулую нядзелю яны выступілі ў Дзяржынску і ў парку Дружбы народаў у Мінску, але рэальна тур стартаваў у чацвер з Барысава.
У пятніцу жанчыны з поспехам наведалі Глыбокае, Наваполацк і Віцебск. Учора — Оршу, Магілёў і Бабруйск. Паўсюль сустрэчы выклікаюць вялікі ажыятаж і энтузіязм.
Сёння жанчын чакаюць у Гомельскай вобласці.
Першым ідзе Жлобін. Там сустрэча запланавана а 11-й на пляцоўцы насупраць будынка былой бібліятэкі ў гарадскім парку культуры і адпачынку «Прыдняпроўскі».
А 15-й сустрэча пачнецца ў Рэчыцы на плошчы перад капліцай Ефрасінні Полацкай
А 20-й у Гомелі. Тут сустрэчы пройдзе на пляцоўцы перад уваходам у філіял «Цэнтра інклюзіўнай культуры» Гарадскога цэнтра культуры» (вул. Юбілейная, 48).
На пікет Святланы Ціханоўскай у Бабруйску набіўся поўны стадыён ВІДЭА, ФОТА
Мітынг Святланы Ціханоўскай прайшоў у Магілёве ФОТА, ВІДЭА
Святлана Ціханоўская ў Оршы выступала па-беларуску ВІДЭА
