Што будзе з пенсіямі, калі Лукашэнка сыдзе? На гэта пытанне адказаў у сваім тэлеграм-канале Павел Латушка.
«Ведаю, вас страшаць тым, што будзе горш, калі ўлада зменіцца. Прапаганда стварае вобраз, быццам выплаты дапамог і пенсій залежаць ад Лукашэнкі асабіста. Але я вас запэўніваю, гэта не так», — зазначае Латушка.
«У нас размеркавальная сістэма пенсій і дапамог — яны плацяцца з адлічэнняў працуючых людзей. Гэтыя выплаты напрамую залежаць ад стану эканомікі і ўзроўню заробкаў. Цяпер эканоміка Беларусі знаходзіцца ў рэцэсіі, працуе неэфектыўна. У пенсійны фонд трапляюць мізэрныя сумы, якія могуць стаць яшчэ менш, пакуль Лукашэнка ва ўладзе. Горш, чым цяпер, не будзе дакладна!»
«Нават у самы складаны перыяд выхаду з крызісу сярэдняя зарплата не будзе ніжэйшай у даляравым эквіваленце, чым была на 1 студзеня 2020 года. Абсалютна рэальна, што ўжо праз год, пасля нашай перамогі, будзе рост эканомікі дзякуючы рэформам і інвестыцыям, якіх сёння няма», — рэзюмуе Латушка.
