Tut.by
Сёння медыкі РНПЦ «Кардыялогіі» сталі ў ланцуг салідарнасці перад пачаткам працоўнага дня на праспекце Дзяржынскага. Міліцыя затрымала 11 чалавек, у тым ліку загадчыка рэнтгенаперацыйнай Алега Паланецкага, кардыяхірурга Уладзіміра Андрушчука ды інш. Медыкаў адвезлі ў РУУС, дзе цягам некалькіх гадзін адпусцілі.
А вось як канал АНТ пракаментаваў сітуацыю:
«Надзвычайнае здарэнне ў сталічным РНПЦ «Кардыялогія». Сёння раніцай з'явілася інфармацыя аб затрыманні медыкаў. Аказалася, усё не так адназначна. Супрацоўнікі Цэнтра выйшлі на пікет з недзяржаўнай сімволікай, а па сутнасці зладзілі правакацыю перад вялікай міжнароднай канферэнцыяй, якая павінна была прайсці ў цэнтры.
На канферэнцыю ў Мінск для абмену вопытам запрасілі медыкаў з усёй краіны, а таксама расійскіх спецыялістаў.
Аднак замест майстар-класаў і размоў на прафесійныя тэмы частка работнікаў РНПЦ вырашыла зладзіць паказальную акцыю, сарваўшы форум. Гэта як мінімум непавага да калег.
А калі казаць проста — сваімі безадказнымі дзеяннямі яны мэтанакіравана паставілі пад пагрозу жыцці і здароўе людзей. Праца аддзялення, якое займаецца аказаннем дапамогі экстранным пацыентам з інфарктам міякарда, заблакаваная», — сцвярджае АНТ.