На акцыях пратэсту ў Мінску сілавікі здзейснілі папераджальны стрэл у паветра, спрабуючы спыніць удзельнікаў акцыі. Пра гэта «РИА Новости» расказала афіцыйны прадстаўнік ГУУС Мінскага гарвыканкама Наталля Ганусевіч.
Па словах Ганусевіч, такім чынам міліцыянеры спынілі парушэнні закону. Каментуючы інфармацыю ў СМІ пра тое, што на праспекце Незалежнасці сілавікі стралялі пад ногі дэманстрантам гумавымі кулямі, Ганусевіч заявіла, што такіх звестак у яе няма.
