«Я далучыўся да Каардынацыйнай рады, бо лічу, што ў цяперашні момант у Рэспубліцы Беларусь назіраецца крызіс грамадскага даверу да дзеючых органаў улады, — цытуе Мікіту Салаўя тэлеграм-канал «Белыя халаты». — Дадзены крызіс, у спалучэнні з праблемай пандэміі COVID-19, істотна адбіваецца на стане грамадзянскай супольнасці, эканомікі, сістэмы аховы здароўя, адукацыі і іншых сферах нашага жыцця.
Эскалацыя гвалту і зневажанне базісных правоў чалавека прыводзяць да ўсё большага расколу ў беларускім грамадстве. Мая мэта — дапамагчы Рэспубліцы Беларусь найбольш бязбольна выйсці з крызіснай сітуацыі з выкарыстаннем маіх прафесійных ведаў і кампетэнцый у сферы аховы здароўя і адукацыі».
Мікіта Салавей — галоўны пазаштатны спецыяліст камітэта па ахове здароўя Мінгарвыканкама па інфекцыйных і паразітарных захворваннях, дацэнт кафедры інфекцыйных хвароб БДМУ.
Чытайце таксама: Галоўны інфекцыяніст Мінска: Наталля Іванаўна, дыялог будзе там, дзе гэтага захоча народ Беларусі
