Сем краін, у тым ліку Украіна, далучыліся да санкцый Еўрасаюза супраць рэжыму Аляксандра Лукашэнкі. Пра гэта гаворыцца ў заяве высокага прадстаўніка ЕС.
У санкцыйны спіс унеслі 40 чыноўнікаў.
«Краіны-кандыдаты Рэспубліка Паўночная Македонія, Чарнагорыя і Албанія, а таксама Ісландыя, Ліхтэнштэйн і Нарвегія, якія ўваходзяць у Еўрапейскую эканамічную зону, і Украіна далучаюцца да гэтага рашэння Савета», — гаворыцца ў заяве.
