Ад 1 студзеня ў Беларусі павысілі стаўкі падатку на прыбытак для аператара па абавязковым аказанні ўніверсальных паслуг электрасувязі і аператараў сотавай сувязі — з 18% да 30%. Змены ўвялі абноўленым Падатковым кодэксам, піша Tut.by.

Як гаворыцца ў дакуменце, «у мэтах прыняцця дадатковых мер па кансалідацыі даходаў бюджэту для барацьбы з COVID-19 устанавіць, што з 1 студзеня 2021 г. да 1 студзеня 2023 г. аператары сотавай рухомай электрасувязі, а таксама прызначаны ў адпаведнасці з заканадаўствам аператар па абавязковым аказанні ўніверсальных паслуг электрасувязі на тэрыторыі Рэспублікі Беларусь выплачваюць падатак на прыбытак па стаўцы 30%».

У прэс-службе А1 заявілі: «Мы ганарымся тым, што А1, частка A1 Telekom Austria Group, найбуйнейшага замежнага інвестара ў сферы інфармацыйна-камунікацыйных тэхналогій у Беларусі, на працягу многіх гадоў з'яўляецца адным з самых буйных падаткаплацельшчыкаў з ліку кампаній з недзяржаўнай формай уласнасці.

Пры гэтым мы выказваем шкадаванне ў сувязі з тым, што тэлекамунікацыйная і IT-галіны зноў сутыкаюцца з пагаршэннем інвестыцыйнага клімату для вядзення бізнэсу ў Беларусі, у той час як іншыя краіны актыўна заахвочваюць інвестыцыі ў сферах, звязаных з інфармацыйнымі тэхналогіямі і лічбавай трансфармацыяй.

Пры гэтым часовае павышэнне стаўкі падатку на прыбытак, прадугледжанае праектам закона «Аб змене Падатковага кодэкса» для аператараў сотавай сувязі, не адаб'ецца на абанентах — цяжар падатковай нагрузкі кампанія возьме на сябе».

Раней у прэс-службе МТС таксама адзначылі, што «магчымае змяненне заканадаўства не акажа ўплыву на змяненне цэн для абанентаў».

Для айцішнікаў паднялі падатак на прыбытак — грошы трэба «на барацьбу з каранавірусам»

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру