Васіль Галькін.
Яе кіраўніком стане Васіль Галькін. Гэтага чалавека Васкрасенскі прэзентаваў як «аднаго з найлепшых зборшчыкаў подпісаў за Віктара Бабарыку», ён збіраў подпісы на «Дане Мол».
Сам Галькін сказаў, што яму даводзілася нават начаваць на офісе Бабарыкі ў ночы на 9 і 10 жніўня. Гэтую партыю прэзентуюць, быццам яе заснавалі былыя сябры ініцыятыўнай групы Віктара Бабарыкі.
Уладзімір Свірыда.
У аргкамітэт «Новых людзей» уваходзяць: Уладзімір Свірыда — адказвае за малы і сярэдні бізнэс, Галькін сказаў, што ведае яго шмат гадоў, той з’яўляецца прыхаджанінам царквы; Іван Сушко — спецыяліст у прамысловасці; Мікалай Малаха — адказвае за інавацыйныя тэхналогіі; Сяргей Саянкоў — былы часовы павераны Беларусі ў Японіі.
Іван Сушко.
Некаторыя з гэтых людзей нават не гугляцца.
Мікалай Малаха.
Галькін у сваёй прамове досыць шмат крытыкаваў эмігрантаў, якія заклікаюць да санкцый супраць Беларусі, а таксама забіраць грошы з банкаў. Кіраўнік партыі запэўнівае, што думаў над прапановай пайсці ў палітыку паўгода. «Нікуды пратэсная актыўнасць не ўпала. Людзі выходзілі на вуліцы і плошчы, калі мы кажам пра збіцці і дубінкі, а гэта было, я асабіста больш баюся дубінак, чым штрафу. Цяпер мы не павінны крычаць «Фашысты», мы павінны размаўляць, не шкодзіць эканоміцы», — кажа Галькін.
Юрый Васкрасенскі.
«Мы не шукаем нейкай нішы, хутчэй за ўсё будзе левы цэнтр. Думаю, што дзесьці ў ліпені мы вырулім з праграмай, а ў жніўні правядзём з’езд. Мы сплеценыя і з Еўропай, і з Расіяй, мы павінны працаваць з усімі. У нас былі войны і з Расіяй, і ў альянсе з Расіяй», — кажа кіраўнік «Новых людзей».
