Урад Беларусі вырашыў зачыніць сваё пасольства ў Канадзе — яно спыніць працу з 1 верасня. Пра гэта гаворыцца ў заяве, апублікаванай на сайце беларускага пасольства ў Канадзе.

«Саветам Міністраў Рэспублікі Беларусь прынята рашэнне аб закрыцці пасольства Рэспублікі Беларусь у Канадзе. Пасольства спыніць сваю працу з 1 верасня 2021 года. Грамадзяне Беларусі, якія пражываюць у Канадзе, пасля закрыцця амбасады змогуць звяртацца па здзяйсненне консульскіх дзеянняў у Генеральнае консульства Рэспублікі Беларусь у Нью-Ёрку, ЗША», — гаворыцца ў заяве.

Пасольства Беларусі ў Канадзе размешчана ў Атаве.

У пачатку красавіка міністр замежных спраў Уладзімір Макей заявіў, што Беларусь закрые пасольства як мінімум «ў некалькіх краінах свету».

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру