Фота Наталлі Фядосенка, ТАСС

Аб'ёмы паставак беларускай электраэнергіі ва Украіну да прыняцця рашэння аб забароне яе імпарту Нацыянальнай камісіяй, якая ажыццяўляе дзяржаўнае рэгуляванне ў сферах энергетыкі і камунальных паслуг Украіны, былі нязначнымі. Таму прынятыя Украінай меры наўрад ці можна назваць адчувальнымі для беларускага боку.

Адзначаецца, што забарона на пастаўку электраэнергіі з Беларусі ва Украіну дзейнічала і раней — з красавіка па снежань 2020 года. Пасля яе заканчэння камерцыйныя ператокі электраэнергіі аднавіліся, і падчас неспрыяльных умоў надвор'я ў зімовы перыяд украінскі бок неаднаразова звяртаўся да Беларусі з запытам аб пастаўках электраэнергіі, неабходнай для забеспячэння ўстойлівай працы сваёй энергасістэмы. Наша краіна аказвала такую дапамогу і падавала неабходны рэзерв магутнасці.

«Гучныя заявы аб намеры Украіны спыніць імпарт беларускай электраэнергіі раней гучалі неаднаразова. Пытанне ў тым, ці не сутыкнуцца нашы ўкраінскія партнёры самі з наступствамі ад уведзенай забароны. Пазіцыя беларускага боку застаецца нязменнай: мы нацэлены на канструктыўнае ўзаемадзеянне, і, калі гэта спатрэбіцца, гатовыя арганізаваць пастаўкі электраэнергіі ва Украіну», — падкрэслівае Мінэнерга.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру