Украінскі журналіст звярнуў увагу Пяскова, што прэзідэнт РФ Уладзімір Пуцін у дачыненні да ўкраінцаў і рускіх выкарыстоўвае тэрмін «адзін народ», а ў дачыненні да беларусаў і рускіх — «братэрскія народы», піша Інтэрфакс.
На пытанне ці з'яўляюцца гэтыя вызначэнні сінонімамі, Пяскоў адказаў: «Гэта сінонімы».
«Мы з вамі адзін народ, але дзве розныя дзяржавы. Абсалютна так і ёсць, гэта рэальнасць, у якой мы існуем. Пасля распаду СССР мы апынуліся ў дзвюх розных дзяржавах. Кожная дзяржава з'яўляецца суверэннай, але народ усё роўна адзін», — сказаў Пяскоў.