Прэзідэнт Еўрапейскай рады Шарль Мішэль сустрэнецца са Святланай Ціханоўскай у Вільні 6 ліпеня.
Пра гэта гаворыцца ў працоўным графіку Прэзідэнта Еўрарады.
Шарль Мішэль прыедзе ў Літву з нагоды Дня дзяржаўнасці гэтай краіны.
Акрамя Ціханоўскай, ён правядзе перамовы з прэзідэнтам Літвы Гітанасам Наўседам і прэзідэнтам Украіны Уладзімірам Зяленскім.
Нагадаем, што сёння стала вядома, што Літва першай з еўрапейскіх краін надала офісу Святланы Ціханоўскай у краіне дыпламатычны статус.
