БелТА

«Я хачу, каб бізнэсоўцы мяне пачулі, што ніхто з імі зводзіць рахункаў не будзе. Хтосьці памыліўся, хтосьці заблукаў, хтосьці няправільна зразумеў нешта. Трэба з імі паразумецца. Я гатовы нават на маім узроўні гэта рабіць, калі вы знойдзеце адпаведную форму. Але тых, хто працаваў сумленна ў нас, тых, хто хоча да нас прыйсці працаваць, мы павінны іх прымаць як сваіх людзей, якія ствараюць карысць для народа і дзяржавы. Перагібаў нельга дапускаць ні ў якім разе. Я не бачу такіх перагібаў, але не хачу, каб яны былі ў будучыні», — заявіў ён.

«Я хачу, каб вы разумелі: ніводны з валасоў з прадпрымальніка і бізнэсмэна, які сумленна працуе, не павінен упасці. Мы ні ў якім разе не павінны ператварыць у моду-задушыць нейкага прадпрымальніка і бізнэсоўца. Гэта людзі, якія працуюць на дзяржаву і прыносяць яму карысць. Толькі адзінае: падаткі трэба плаціць, людзей, якія ў цябе працуюць, не крыўдзіць», - падкрэсліў Аляксандр Лукашэнка.

Ён падкрэсліў, што ні ў якім разе нельга беспадстаўна «накатваць» на бізнес і спецыяльна шукаць для гэтага падставу. «Мы ні ў якім выпадку не павінны «накатваць». Хоць і брыдка сябе павялі некаторыя іпэшнікі, айцішнікі і іншыя. Нельга проста ўзяць і іх за нешта пакараць. Не трэба шукаць нагоду, прычыны і гэтак далей. Хай працуюць па законе. Парушыў закон — на ўсю катушку хай адказваюць», - папярэдзіў ён.

Разам з тым Лукашэнка адзначыў: «Любы бізнэсовец, які хоча займацца палітыкай, павінен строга трымацца закона. Палітыкі і бізнэсмены павінны выконваць законы. Але калі ты пракраўся, як у нас гэта часцяком бывае (і прыклады ведаем), і папёрся потым у палітыку, каб прыкрыць гэта ўсё, і калі раптам што, то абвінаваціць уладу, што, вось, ведаеце, я сумленны бізнэсмен, пайшоў у палітыку і таму мяне заціснулі тут? Некаторыя сядзельцы, якія сёння там знаходзяцца (у месцах зняволення), так сябе і паводзілі. Вось гэта будзе спыняцца адназначна. І не трэба крыўдзіцца на ўладу», — падкрэсліў ён.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру