З 1 лістапада 2021 года прадастаўляць паслугі па дастаўцы тавараў на дом кур'ерамі і паслугі па перавозцы пасажыраў кіроўцамі транспартных сродкаў, не абсталяваных кабінамі, могуць тыя, хто мае дакумент аб праведзенай вакцынацыі супраць COVID-19 (з прадастаўленнем яго па патрабаванні), - гаворыцца ў рашэнні.
Фізічныя асобы пры наведванні аб'ектаў, арганізацый абавязаны выкарыстоўваць сродкі абароны органаў дыхання і выконваць сацыяльную дыстанцыю (1 — 1,5 метра).
Пасажыры транспарту, які ажыццяўляе перавозку пасажыраў у рэгулярных зносінах, метрапалітэна, пасажыры аўтамабіля-таксі абавязаны выкарыстоўваць сродкі абароны органаў дыхання.
Таксама рэлігійным арганізацыям рэкамендавана праводзіць набажэнствы, рэлігійныя абрады, рытуалы і цырымоніі з выкарыстаннем рэжымаў аўдыё-, відэасувязі. Пры очным рэжэме патрабуецца строга выконваць санітарныя правілы.
Два дні таму Аляксандр Лукашэнка зрабіў шэраг заяваў, што распаволілі жорсткія патрабаванні медыкаў па выкананні масачнага рэжыму і вакцынацыі. Паводле Лукашэнкі прымушаць людзей насіць маскі - гэта здеквацца над імі, штрафаваць за гэта нельга («няма такога закона»), вакцынацыя таксама неабавязковая (чалавек сам вырашае свой лёс).
Ці будзе выконвацца гэта рашэнне мінскіх уладаў пасля такога, невядома, бо яно ад 14 катрычніка.
Лукашэнка заняўся кавід-прафілактыкай насельніцтва, але атрымалася толькі горш. Што ён сказаў
