«Узброеныя сілы Украіны нарошчваюць сілы, сцягваюць цяжкую тэхніку, асабісты склад. Паводле некаторых звестак, колькасць групоўкі войскаў Украіны ў зоне канфлікту ўжо дасягае 125 тысяч чалавек, а гэта палова ўсяго складу Узброеных сіл Украіны», — сказала прадстаўніца МЗС.
Па яе словах, у апошнія тыдні ўсё часцей фіксуюцца перастрэлкі паміж украінскімі вайскоўцамі і ўзброенымі фармаваннямі асобных раёнаў Данецкай і Луганскай абласцей Украіны. Захарава заявіла, што спецыяльная маніторынгавая місія АБСЕ адзначае парушэнні рэжыму спынення агню не толькі ў асобных кропках, але і па ўсёй лініі судакранання бакоў.
