Грамадства

Пракуратура завяла крыміналку на Латушку за правальны фільм. Але падазраваным можа быць не толькі ён

Генеральная пракуратура заявіла пра новыя прэтэнзіі да Паўла Латушкі і выдала фармулёўку, якая апісвае сэнс нібыта крымінальных дзеянняў амаль 10 гадоў таму. Сам Павел Латушка сцвярджае, што справа тычыцца фільма па Быкаве «У тумане». Але ёсць версія, што віной усяму даўні скандал з фільмам «З 8 Сакавіка, мужчыны!».

Фота: vitvesti.by

«Павел Латушка, займаючы пасаду міністра культуры […] даставерна ведаючы аб адсутнасці падстаў для фінансавання за кошт бюджэту шэрага заведама незапатрабаваных кінапраектаў, аддаў указанне падначаленым аб уключэнні іх у тэматычны план вытворчасці фільмаў на 2012-2013 гады.

На гэтай падставе Дэпартамент па кінематаграфіі Мінкульта заключыў з кінавытворцамі дамовы і незаконна прафінансаваў вытворчасць указаных фільмаў», — напісала пракуратара.

Сам Павел Латушка сцвярджае, што справа тычыцца фільма па Быкаве «У тумане». Але ёсць версія, што віной усяму даўні скандал з фільмам «З 8 Сакавіка, мужчыны!».

Дамову на здымкі гэтай стужкі ў 2012 годзе заключыла Міністэрства культуры і «Беларусьфільм», а потым далучылася і расійская кампанія. Сума кантракта — каля $1,5 мільёна.

Фота: kino-teatr.ru

Праз некаторы час кіраўніка «Беларусьфільма» Алега Сільвановіча пачалі падазраваць у злоўжыванні службовымі паўнамоцтвамі. Следства сцвярджала, што Сільвановіч заключыў дамову з расійскай кампаніяй «Маскіт» на паказ фільма па ўсім свеце.

У 2014-м годзе перадаў ім выключныя правы на фільм на 10 год. Пры тым, што яны належалі Міністэрству культуры і прыбытак ад фільма павінен быў ісці ў бюджэт Беларусі. Між тым карціна пайшла ў расійскі і ўкраінскі пракат і сабрала каля $3 мільёнаў.

Як кажуць нашы крыніцы, беларускі бок быў нават вымушаны плаціць за права паказу знятага ў сябе ж фільма. Крымінальную справу тады завялі па артыкуле 424 «Злоўжыванне ўладай ці службовымі паўнамоцтвамі». Чым яна скончылася, так і невядома.

Фота: kino-teatr.ru

«У канцы 80-х у Саюзе здымалі нашмат больш смелыя творы, чым тое, што робіцца ў Беларусі апошнія 20 гадоў»

«Наша Ніва» звярнулася да экспертаў, якія адзначылі, што за датычнасць да «незапатрабаваных кінапраектаў» у Беларусі можна судзіць усю сферу і за многія гады, справа не ў Латушку, а ў сістэме.

«Агульнасусветная практыка вымярэння запатрабаванасці і паспяховасці фільма — гэта яго камерцыйны поспех падчас пракату ці пры продажы анлайн-платформам, а таксама ўдзел у буйных міжнародных фестывалях, кшталту Кан, Таронта, Берлінале, Венецыі і г. д. У гэтым плане дзяржаўны кінематограф не можа пахваліцца ні тым, ні іншым», — кажа адзін з нашых суразмоўцаў.

Фота: kino-teatr.ru

«У Беларусі поспех мастацкага кіно мераецца па выкананні ідэалагічных мэтаў: наша сітуацыя падобная да сітуацыі савецкай, хіба што ў канцы 80-х у Саюзе здымалі нашмат больш смелыя творы, чым тое, што робіцца ў Беларусі апошнія 20 гадоў.

З палітыкай «выхавання насельніцтва і моладзі сродкамі кінематографу» мы зайшлі ў тупік, — гаворыць іншы суразмоўца «НН». — Штогод на здымкі кіно і серыялаў Мінкульт выдаткоўвае каля 10 мільёнаў рублёў. Каб прэтэндаваць на частку сродкаў, трэба са сваёй ідэяй прайсці экспертную камісію пры Міністэрстве.

Так павялося, што гадамі беларускія рэжысёры ходзяць па Мінску ледзь не з працягнутай рукой, не маюць, над чым працаваць і за што жыць. А ў гэты ж час расійскія кампаніі атрымліваюць грошы з запланаванага бюджэту».

«Расійская частка «інвестыцый», як правіла, часта праходзіць пад выглядам аплаты «кансультацый»

Па словах нашага суразмоўцы, так склалася, што большасць кінематаграфічных заявак на бюджэтныя сродкі — гэта сумесныя з рускімі серыялы.

У чым сэнс схемы сумесных праектаў? На паперы яна нібыта выглядае добра: расійскі бок дамаўляецца з «Першым каналам» аб наступным пракаце знятага твора, укладаецца часткай грошай, прыбытак дзеліцца.

Натурная пляцоўка «Беларусьфільма». Фота: Onliner.by

«Але каб нешта зняць, трэба, каб былі людзі, месца і тэхніка. Так «Беларусьфільм» пераўтварыўся ў палігон для другаснага расійскага кіно: у беларускіх студыях, у беларускіх дэкарацыях, беларускімі камерамі, у беларускіх мантажных, за беларускія грошы, але пад кіраўніцтвам расійскіх рэжысёраў і з расійскімі галоўнымі акцёрамі і робіцца серыял ці фільм.

Расійская частка «інвестыцый», як правіла, часта праходзіць пад выглядам аплаты «кансультацый», «сцэнарных планаў», «ганарараў рэжысёраў», «камандзіровак» і гэтак далей, — гаворыць наш суразмоўца. — Пасля таго, як усё зроблена за наш рахунак, рускія кажуць, што прадаваць жа мы будзем у Расіі, вы там нічога не разумееце, з вамі ніхто не гаворыць, давайце правы на фільм вы дасцё нам, а прыбытак падзелім напалову.

А потым гэтая ж расійская кампанія перадае правы трэцяй расійскай кампаніі, з якой заключае дамову таксама аб дзялёжцы касавых збораў. І да Беларусі даходзяць нейкія слёзы, усё невялікае, што ёсць, асядае ў дзялкоў. На паперах у Мінску гэты этап таксама выглядае прыгожа: рабіць нічога не трэба, а грошы з дыстрыб’юцыі капаюць».

«Калі Латушка дасць публічныя паказанні, то пракуратуры будзе чым займацца найбліжэйшыя некалькі год»

У выніку апытаныя намі эксперты прыгадваюць масу праектаў, ад якіх нічога не атрымаў ні беларускі бюджэт, ні беларускае мастацтва.

«З акупных праектаў прыгадваецца толькі серыял «Ой, мамочки!». Першая частка сябе акупіла, бо былі продажы на расійскія каналы. Але больш нічога і не ўспамінаецца.

Натурная пляцоўка «Беларусьфільма». Фота: Onliner.by

Нейкія там «Сляды на вадзе», напрыклад, адназначная лічба працэнта акупнасці. Пры гэтым, расіянін Ягор Канчалоўскі мае сотні тысяч беларускіх рублёў за яго, — гаворыць суразмоўца. — Успомнім такога персанажа, як Дзмітрый Астрахан. Беларускія рэжысёры не здымаюць нічога. А Астрахан здымае «Жизнь после жизни». Фільм нават блізка не акупляецца, а ён пачынае адразу здымаць другі — «Судьба диверсанта». Ніякага камерцыйнага патэнцыялу, ніякай мастацкай якасці».

Ён лічыць, што расійскія рэжысёры ўваходзяць сюды, бо ведаюць, з кім трэба гаварыць і якую матывацыю выкарыстоўваць.

«Калі Латушка дасць публічныя паказанні, то пракуратуры будзе чым займацца найбліжэйшыя некалькі год», — кажа адзін з нашых суразмоўцаў. Ён дадае, што ёсць шмат рэчаў, якія патрабуюць расследавання тут і цяпер.

Натурная пляцоўка «Беларусьфільма». Фота: Onliner.by

«Яшчэ ў 2018-м кіраўніцтва «Беларусьфільма» пераканала міністра культуры, што трэба ўступіць у сумесны праект з рускімі і зняць серыял «Фаіна» пра Фаіну Ранеўскую.

Грошы далі, ажно палову гадавога бюджэту — пяць мільёнаў рублёў на 10 серый, ніхто даражэй не здымае ў рэгіёне, — адзначае наш суразмоўца. — Так, гэтыя грошы выдаткавалі не ўсе, пералічылі тысяч 800, але ж куды яны пайшлі, ніхто не ведае. Серыял здымаць так і не пачалі, бо рускія не дамовіліся з Эрнстам, што змогуць прадаць яго».

Натурная пляцоўка «Беларусьфільма». Фота: Onliner.by

Рэзюмуючы тэму паспяховых праектаў, нашы суразмоўцы адзначаюць, што назваць поспехам можна было б фільм «Купала», які так і не выйшаў на экраны.

«Яго нават не прадалі «Яндэксу», хаця тыя дакладна ім цікавіліся, — адзначаюць нашы суразмоўцы. — Увогуле, сэнс у тым, што цяпер асноўны спажывец беларускага кінематографу — гэта чыноўнік, якому важнае нейкае выкананне функцый выхавання. А глядач тое, што падабаецца чыноўніку, глядзець не хоча. У гэтым сэнсе амаль усё, што робіцца ў кінематографе, трапляе пад азначэнне генеральнай пракуратуры аб «заведама незапатрабаваных праектах», уся галіна мае патрэбу ў рэфармаванні».

Каментары

За каментары ў тэлеграме затрымалі жанчыну з Мінска. Выйшлі на яе вельмі проста1

«Нейкі час яе сэрца не працавала». Хлопец беларускі, якую згвалтавалі ў цэнтры Варшавы, расказаў пра яе цяперашні стан11

У Маладзечне закрываюць лялечны тэатр, які ставіў «Тутэйшых»?

Гамельчуку паведамілі пра смерць маці. На пахаванні высветлілася, што яна жывая, а ў труне іншы чалавек4

Стаў вядомы змест «аперацыі №4» з плана «Перамога». Ажыццявіць яе больш не атрымаецца27

Онліфаншчыцы знайшлі спосаб паказваць грудзі ў інстаграме1

Кіраўнік вядомай у мінулым страхавой фірмы пяты год працуе таксістам у Мінску3

Каб здаць выдуманы прадмет, мы на поўным сур’ёзе праглядалі РэнТБ — выпускнік БНТУ10

«Лукашэнка перайшоў столькі чырвоных ліній, што Кіеў становіцца больш адкрытым». Франак Вячорка пра паездку ва Украіну 17

Попыт на валютныя ўклады падае, а продажы нерухомасці б'юць рэкорды. У чым прычына?2

Свята-Елізавецінскі манастыр правёў чарговы Z-канцэрт пад расійскімі трыкалорамі13

Дзе цяпер героі мемнага відэа БРСМ пра выбары-дурыбары?6

У цэнтры Мінска прайшла вечарына «Данбас у нашым сэрцы» ФОТЫ14

«Прыйшлі каля 30% выбарцаў». Валанцёрка БРСМ расказала, што адбывалася на яе ўчастку7

Чаго хочуць еўрапейскія фермеры?16

Беларуску згвалтавалі і спрабавалі задушыць у цэнтры Варшавы10

Адзін факт, які паказвае, што пратаколы на выбарах маляваліся з галавы5

У Гродне затрымалі вулічнага музыканта, які спяваў «Муры»4

Менеджарка па продажах разлічвала на нармальны заробак, а атрымала толькі 165 рублёў8

Стала вядома, якія заробкі ў «палатніка»-ветэрана Ігара Марзалюка7

Усе навіны →
Усе навіны

Тры моманты, якія трэба змяніць, каб беларуская пенітэнцыярная сістэма перастала быць нялюдскай6

Хлопцу, які спаліў Каран і якога збіў сын Кадырава, далі тры з паловай гады калоніі4

Паліцыя ў Маскве прыходзіць дадому да ўдзельнікаў акцый памяці Навальнага і затрымлівае іх

Салігорскі паблік паведаміў пра смерць шахцёра падчас рамотных работ

У Беларусі хочуць запусціць прамысловую іпатэку2

«Лукашэнка перайшоў столькі чырвоных ліній, што Кіеў становіцца больш адкрытым». Франак Вячорка пра паездку ва Украіну 17

Попыт на валютныя ўклады падае, а продажы нерухомасці б'юць рэкорды. У чым прычына?2

Свята-Елізавецінскі манастыр правёў чарговы Z-канцэрт пад расійскімі трыкалорамі13

Былы памочнік Лукашэнкі пакінуў пасаду намесніка Качанавай па асабістых прычынах1

больш чытаных навін
больш лайканых навін

«Возера НАТА». Як Захад перамог Расію ў Балтыйскім моры без адзінага стрэлу

Галоўнае

Што за дзяўчына, якую Лукашэнка прыабняў на выбарчым участку?17

«Буэнас-Айрэс — вельмі камфортны горад, калі вы зарабляеце ў валюце». Беларуска пераехала ў Аргенціну і расказвае, колькі каштуе там жыць

У Слаўгарадзе фура збіла машыну хуткай дапамогі

Польская паліцыя расказала, як затрымала чалавека, што падазраецца ў згвалтаванні беларускі ў Варшаве1

Стаў вядомы змест «аперацыі №4» з плана «Перамога». Ажыццявіць яе больш не атрымаецца27

Навальны ведаў пра падрыхтоўку абмену і даў згоду на яго — Reuters3

Байдэн: Перамір'е ў Газе наступіць у наступны панядзелак14

«Уяўляеце, мне нобелеўскі лаўрэат нёс матрац!» Экс-палітзняволеная — пра сустрэчы з Рабковай і Бяляцкім1

Літва праверыць 18 тысяч беларусаў, якія пасяліліся ў краіне да ўведзеных у 2022 годзе абмежаванняў15

Онліфаншчыцы знайшлі спосаб паказваць грудзі ў інстаграме1

70-гадовага сузаснавальніка расійскага «Мемарыяла» асудзілі да 2,5 года за «дыскрэдытацыю арміі»

Кіраўнік вядомай у мінулым страхавой фірмы пяты год працуе таксістам у Мінску3

Гродзенцаў жорстка затрымалі за запуск дрона на мяжы3

Украінскія паветраныя сілы збілі чарговы расійскі бамбардзіроўшчык5

Мінскую кватэру Цапкалаў прадаваць не будуць8

Каб здаць выдуманы прадмет, мы на поўным сур’ёзе праглядалі РэнТБ — выпускнік БНТУ10

Усе навіны →