Стала вядома, чаму ў Віцебску знялі герб вобласці з «Пагоняй»
На будынку па вуліцы Гогаля, непадалёк ад аблвыканкама, знаходзіцца вялікі светлавы надпіс «Квітней, родная Віцебшчына!». Побач з надпісам — вялікі герб вобласці з выявай «Пагоні». Але 4 студзеня герб раптоўна прыбралі.
Фотаздымкі Паўла Максімава
«Наша Ніва» звярнулася ў Віцебскі гарвыканкам.
У аддзеле архітэктуры і горадабудаўніцтва супакоілі: ніякай палітыкі ў гэтым няма, хутка герб вернецца.
«Яго забралі на рамонт: герб ці то пагнулі, ці то нешта такое з ім здарылася. Недзе з тыдзень будуць яго аднаўляць», — растлумачылі чыноўнікі.
Герб Віцебскай Вобласці быў зацверджаны ўказам Лукашэнкі ў 2009 годзе.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
