«Мы будзем вымушаныя пры адсутнасці неабходных і тэрміновых дамоўленасцяў па прававых гарантыях выкарыстаць іншыя сродкі для забеспячэння патрэбнага балансу, калі хочаце, для застрашвання апанента — не ў плане стварэння нейкіх пагроз, а ў плане стрымлівання», — сказаў ён.
НАТА больш не зможа «адціскаць» Расію, такое становішча — у мінулым, заявіў Сяргей Рабкоў.
На думку дыпламата, у сітуацыі, калі НАТА цягам апошніх дзесяцігоддзяў спрабуе «адціснуць» Маскву і перамясціць яе на другія ролі ў міжнароднай палітыцы, вылучаць у яе бок нейкія патрабаванні аб саступках недапушчальна.
«Больш не атрымаецца. Гэта ўсё ў мінулым. І раней не вельмі атрымлівалася, а цяпер гэтаму проста пакладзены канец <…> Так што НАТА трэба збіраць манаткі і адпраўляцца на рубяжы 1997 года», — распавёў Рабкоў.
Нагадаем, апошнім часам Расія патрабуе ад заходніх краін дасягнення «дамоўленасцей па гарантыях бяспекі». Гэта адбываецца на фоне вялікай канцэнтрацыі расійскіх войскаў на мяжы з Украінай, а таксама перамоваў Пуціна з Байдэнам. Сярод асноўных патрабаванняў Расіі — вяртанне ў міжнародныя адносіны сфер уплыву, гарантыі неўключэння Украіны ў склад НАТА, вывад зброі з тэрыторыі усходніх членаў альянсу.
