Фота: prsa.pl
Гэта Руслан Сінчукоў, Мікалай Берднікаў, Анатоль Выдрын, Дзмітрый Цыб, Мікалай Белазёраў, Мікалай Кавалеўскі, Мікіта Паляонак, Андрэй Корабаў, Мікалай Віцікаў, Алег Канавалаў, Андрэй Мышкавец, Арцём Жэрнак.
Такім чынам, у Беларусі афіцыйна 1007 палітычных зняволенных.
Як паведамляў праваабарончы цэнтр «Вясна», агулам за 2021 год абвінавачаным па пратэсных артыкулах Крымінальнага кодэкса прызначылі 1992 гады пазбаўлення свабоды, 673 гады «хіміі» і 740 год «хатняй хіміі». А таксама 6 год арыштаў і 310 тысяч рублёў штрафаў.
Усяго асуджана 1285 чалавек, 1051 мужчына, 234 жанчыны і 9 няпаўналетніх. Большасць, 416 чалавек, асудзілі па галоўным «пратэсным» артыкуле — «Групавыя дзеянні, якія груба парушаюць грамадскі парадак» (арт. 342 КК).
344 прысуды вынеслі за абразу прадстаўніка ўлады (арт. 369 КК), 161 — за ўдзел у масавых беспарадках (арт.293 КК), 139 — за гвалт у дачыненні да супрацоўніка міліцыі (арт. 364 КК), 115 — за абразу прэзідэнта (арт. 115 КК).
