ГУБАЗіК затрымаў былога супрацоўніка пракуратуры. Сцвярджаюць, што ён перадаваў інфармацыю пратэстоўцам
ГУБАЗіК апублікаваў «пакаяльнае» відэа, на якім мужчына паведамляе, што яго завуць Алег Ермакоў і з 2011 па 2019 год ён служыў у сілавых структурах. Праўда, назва на відэа запіканая. Аднак на фотаздымку, які ёсць у відэа, бачная пракурорская форма.
Фота: скрыншот відэа
Алег Ермакоў на відэа кажа, што пасля звальнення з органаў працаваў у «Белаграпрамбанку» галоўным спецыялістам.
На відэа мужчына кажа, што яго затрымалі па падазрэнні ў здзяйсненні злачынства па ч. 1 арт. 130 «Распальванне расавай, нацыянальнай, рэлігійнай ці іншай сацыяльнай варожасці».
ГУБАЗіК сцвярджае, што Ермакоў перадаваў дадзеныя тэлеграм-каналу Nexta, які прызнаны экстрэмісцкім.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ