Бартлі Грыфіт з Дэвідам Бенетам у студзені 2022 года.
Аперацыя прайшла 7 студзеня і першапачаткова новае сэрца функцыянавала, аднак стан Бенета пачаў пагаршацца некалькі дзён таму. Ён памёр 8 сакавіка, пацвердзілі лекары медыцынскага цэнтра пры Універсітэце штата Мэрыленд.
У Бенета было смяротнае сардэчна-судзіннае захворванне, і ўдзел у медыцынскім эксперыменце быў яго адзіным шанцам на выжыванне. Перад аперацыяй Дэвід пацвярджаў, што ўсведамляе, наколькі рызыкоўная эксперыментальная перасадка сэрца свінні.
«Ён праявіў сябе як смелы і высакародны пацыент, ён змагаўся да самага канца», — адзначыў у заяве бальніцы хірург Бартлі Грыфіт, які правёў аперацыю.
Сын пацыента, Дэвід Бенет-малодшы, выказаў падзяку «за кожны інавацыйны момант, кожную вар'яцкую мару, кожную бяссонную ноч, якія сталі часткай гэтага гістарычнага пачынання». Але, як ён адзначыў, ён спадзяваўся, што трансплантат стане «пачаткам надзеі, а не яе канцом».