Давід Арахамія (справа) з кіраўніком расійскай дэлегацыі Уладзімірам Мядзінскім
Асноўныя тэзісы:
- Канцэптуальна нічога новага на дадзены момант у перамоўным працэсе няма;
- Расія дала афіцыйны адказ на ўкраінскую пазіцыю, агучаную ў Стамбуле. Гэты адказ заключаецца ў наступным: пазіцыя прымаецца, за выключэннем пытання Крыма;
- Кіраўнік МЗС Дзмітрый Кулеба сказаў, што чакае пацвярджэння (расійскай рэакцыі на нашу пазіцыю па Крыме) у пісьмовым выглядзе, у вусным пакуль што яго няма. У той жа час, са слоў Арахаміі, учора ў вусным выглядзе падчас відэаканферэнцыі «мы пачулі, што расійскі бок не супраць такой пазіцыі і мы далей рухаемся больш з юрыдычнага пункту гледжання»;
- Па словах Арахаміі, расійскі бок пацвердзіў тэзіс украінскай дэлегацыі, што драфты дакументаў дастаткова напрацаваныя, каб праводзіць непасрэдныя кансультацыі паміж двума лідарамі краін, то-бок з прэзідэнтамі Украіны і Расіі;
- Зараз задача хутчэй напрацаваць нейкую фінальную стадыю не самога дакумента, а тых пытанняў, якія ўжо закраналіся, і рыхтаваць магчымую сустрэчу прэзідэнтаў;
- Прэзідэнт Турцыі Эрдаган тэлефанаваў учора і Зяленскаму, і Пуціну і пацвердзіў са свайго боку, што яны ў найбліжэйшы час гатовыя арганізоўваць сустрэчу. Таму з высокай доляй верагоднасці сустрэча пройдзе ў Стамбуле;
- Ідуць актыўныя кансультацыі з патэнцыйнымі гарантыямі бяспекі. Афіцыйна тры краіны НАТА пагадзіліся даць (гарантыі) менавіта ў тым фармаце, у якім прапануе Украіна (Турцыя, Германія, Італія). Важныя таксама гарантыі ад Вялікабрытаніі і ЗША;
- Важна, каб у пул гарантаў увайшлі ядзерныя дзяржавы. З Кітаем Украіна вядзе перамовы праз дыпламатычныя каналы. Стан перамоваў з Кітаем — найменш гатовы, калі параўноўваць з краінамі, якія актыўна дапамагаюць, але Арахамія чакае, што Кітай усё ж увойдзе ў пул гарантаў.
Чытайце таксама:
Што атрымае Беларусь, калі Расія і Украіна дамовяцца паміж сабой? Як мінімум, вывад войскаў
Крыніцы ў Крамлі: Атачэнне Пуціна ўжо не спадзяецца, што Расія возьме Кіеў. Але сам Пуцін, магчыма, яшчэ хоча
Мядзінскі: Украіна гатовая выканаць прынцыповыя патрабаванні, на якіх настойвае Расія
«Як мужыкам на перадавой у вочы глядзець?» Рэакцыя прарасійскіх паблікаў на перамовы ў Стамбуле
Падаляк распавёў, як будзе працаваць дамова аб гарантыях бяспекі Украіны
