Мінінфармацыі вынесла папярэджанне «Брестской газете»

Папярэджанне за распаўсюд непраўдзівай інфармацыі падпісала першая намесніца міністра інфармацыі Лілія Ананіч. Падставай для санкцыі стаў артыкул «Стомленых ад горада выратуюць экапаселішчы», надрукаваны 14 верасня.

Як адзначае прэс-служба БАЖ, сама рэдакцыя газеты атрымала ліст ад Камянецкага райвыканкама, дзе ўказвалася на недакладнасці ў артыкуле. І рэдакцыя нават надрукавала яго 16 верасня ў якасці абвяржэння, якога патрабавалі раённыя ўлады. Тым не менш, Мінінфармацыі папярэдзіла выданне, не чакаючы выхаду абвяржэння.

Між тым, інфармацыя, аналагічная той, што апублікавала «БГ», з’явілася і ў шэрагу іншых выданняў вобласці — у тым ліку ў газеце «Заря», сузаснавальнікамі якой выступаюць Брэсцкі аблвыканкам і Брэсцкі аблсавет дэпутатаў.

Еўрарадыё

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ