Гурт Limp Bizkit не сабраў «Мінск-Арэну» 2

Канцэрт пераносіцца ў Палац спорту,

піша «Комсомольская правда в Беларуси». Час застаўся ранейшы — 5 кастрычніка, 19.00. Квіткі, набытыя ў «Мінск-Арэну», застаюцца сапраўднымі.

Нагодай, хутчэй за ўсё стала, «зорная» перагружанасць канцэртнага графіку сталіцы. Нагадаем, што акрамя нядаўняга канцэрту Стынга мінчукі змогуць неўзабаве папрысутнічаць таксама на выступах Джо Кокера, Хасэ Карэраса і Гару.

Арганізатары канцэрту Limp Bizkit кажуць, што адмяніць канцэрт немагчыма: прададзеная пэўная колькасць квіткоў, прыхільнікі гурта чакаюць прыезду Limp Bizkit у Мінск, у гастрольным графіку калектыву зацверджаны канцэрт у Беларусі. Але ў цяперашняй сітуацыі было вырашана перанесці канцэрт на меншую пляцоўку, чым планавалася ад пачатку.

Еўрарадыё

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ