22 верасня ў абласных цэнтрах Беларусі праезд на наземным грамадскім транспарце пры прад’яўленні пасведчання кіроўцы будзе бясплатным.
Аб гэтым паведаміла намеснік міністра прыродных рэсурсаў і аховы навакольнага асяроддзя Галіна Валчуга на
Яна нагадала, што 22 верасня Беларусь далучыцца да міжнароднай акцыі «Дзень без аўтамабіля».
Яе мэта — прыцягнуць увагу да праблемы забруджвання паветра выкідамі ад аўтатранспарту. У гэты дзень беларусам прапануецца адмовіцца або абмежаваць выкарыстанне аўтамабіляў. Каб гэта было лёгка выканаць,
плануецца выдзеліць дадатковы грамадскі транспарт для перавозкі пасажыраў і зрабіць праезд на яго наземных відах для вадзіцеляў бясплатным.
Як паведаміла Валчуга, тым беларусам, якія ў сілу розных прычын не могуць адмовіцца ад аўтамабіля нават на адзін дзень, 22 верасня прапануецца падвезці на працу суседа і выкарыстаць стыль ваджэння «экадрайв». Памяншэнне выкідаў дасягаецца за кошт раўнамернага спакойнага руху без лішніх разгонаў і тармажэнняў, тармажэння без выключанай перадачы і без газу, так званага «тармажэння рухавіком».
Праблема забруджвання паветра выхлапнымі газамі вельмі актуальная ў Беларусі, дзе колькасць гарадскіх жыхароў няўхільна расце. Начальнік упраўлення рэгулявання ўздзеяння на атмасфернае паветра і водныя рэсурсы Мінпрыроды Сяргей Заўялаў паведаміў, што штодзённа ў Беларусі выкіды транспарту складаюць 3 тыс. тон. Аб’ём забруджвання паветра транспартам дасягае 75%, а ў асобных гарадах — 85%.
