4 лістапада адбудзецца апошні 26 тур чэмпіяната Беларусі па футболе. Але яшчэ няма пэўнасьці, ці вызначыцца ў ім чэмпіён краіны. Сёньня на залатыя мэдалі прэтэндуюць дзьве каманды: барысаўскі БАТЭ і менскае “Дынама”.
Цяперака барысаўцы апярэджваюць “дынамаўцаў” на тры пункты, але БАТЭ чакае цяжкі выезд у Салігорск. “Шахтар” таксама не згубіў шанцаў на мэдалі. Як і МТЗ-РІПА, якія едуць у госьці да “Гомеля”. Менскае “Дынама” будзе гуляць з аднаклюбнікамі ў Берасьці.
Калі БАТЭ прайграе ў Салігорску, а менскае “Дынама” пераможа ў Берасьці, то нас чакае матч за чэмпіёнства, які, найхутчэй, адбудзецца на нэўтральным стадыёне. У гісторыі беларускага футболу ўжо аднойчы быў “залаты” матч. У 2002 годзе ў Менску ўсё тое ж БАТЭ перамагло гарадзенскі “Нёман”.
Цяпер няма ніякай пэўнасьці, як разьмяркуюцца мэдалі ўвогуле. Дакладна толькі вядома, што ў прызэрах будзе БАТЭ. Пры канкрэтных варыянтах без узнагародаў можа застацца нават менскае “Дынама”.
Усе матчы апошняга туру пачнуцца ў адзін час, а 14:00.
Матчы 26 туру
Салігорск. Стадыён “Будаўнік”. “Шахтар” – БАТЭ. Квіток – 4000 рублёў (дзіцячы – 2000)
Берасьце. Стадыён “Берасьцейскі”. “Дынама” (Берасьце) – “Дынама” (Менск). Квіток – 1200-3800.
Гомель. Стадыён “Цэнтральны”. “Гомель” – МТЗ-РІПА. Квіток – 2500-4000 (дзіцячы – 1500).
Віцебск. Стадыён “Віцебскі”. “Лякаматыў” (Віцебск) – “Дарыда”. Квіток – 2000-5000.
Горадня. Стадыён “Нёман”. “Нёман” – “Лякаматыў” (Віцебск). Уваход вольны.
Бабруйск. Стадыён “Спартак”. “Белшына” – “Тарпэда”. Уваход вольны.
Наваполацак. Стадыён “Атлянт”. “Нафтан” – “Дняпро”. Квіток – 2000 (дзіцячы – 1000).
Турнірная табліца цяпер выглядае наступным чынам:
Гульні Пункты
1 БАТЭ (Борысаў) 25 54
2 Дынама (Менск) 25 51
3 Шахтар (Салігорск) 25 48
4 МТЗ-РІПА (Менск) 25 48
5 Гомель 25 42
6 Дарыда (Ждановічы) 25 37
7 Лякаматыў (Віцебск) 25 35
8 Нафтан (Н-Полацак) 25 34
9 Дынама (Берасьце) 25 30
10 Нёман (Горадня) 25 27
11 Тарпэдо (Жодзіна) 25 27
12 Дняпро (Магілёў) 25 23
13 Лякаматыў (Менск) 25 19
14 Белшына (Бабруйск) 25 9
