У суботу 11 лістапада быў абраны новы біскуп Рэлігійнага аб’яднаньня абшчынаў хрысьціянаў поўнага Эвангельля ў Рэспубліцы Беларусі. Ім стаў Вячаслаў Ганчарэнка – старшы пастар царквы «Новае жыцьцё».
Справаздачна-выбарны сход праходзіў у менскім быдынку царквы «Новае жыцьцё» па адрасе Кавалёва, 72. На сходзе прысутнічаў начальнік аддзелу па справах рэлігій і нацыянальнасьцяў з апарату ўпаўнаважанага па справах рэлігій і нацыянальнасьцяў Аляксандар Калінаў. Ён адмовіўся камэнтаваць сытуацыю вакол царквы «Новае жыцьцё», спаслаўшыся на тое, што няправільна патлумачаны камэнтар можа нашкодзіць пачатаму пазытыўнаму працэсу.
