10-гадовы мазыранін Андрэй Кунец зь песьняй «Новы дзень» заняў другое месца на 4-м дзіцячым конкурсе песьні «Эўрабачаньне-2006». Конкурс прайшоў 2 сьнежня ў румынскай сталіцы Бухарэсьце. Найбольшую адзнаку, 12 балаў, Андрэю паставілі гледачы Расеі, Мальты і Партугаліі. 10 балаў далі ўкраінцы, румыны і швэды.

Першае ж месца, апярэдзіўшы Андрэя на 25 балаў, занялі сёстры-блізьняткі з Расеі Маша і Насьця Талмачовы. Узнагароду конкурсу яны атрымалі з рук пераможцы леташняга «Эўрабачаньня» беларусачкі Ксеніі Сітнік.

Беларускія ж гледачы аддалі два найвышэйшыя балы канкурсантам з Расеі (12) ды Швэцыі (10).

Пасьля посьпеху ў Румыніі Андрэй Кунец плянуе выступіць з новай праграмай на Міжнародным дзіцячым музычным конкурсе ў Віцебску, які пройдзе ў часе фэсту «Славянскі базар».

Выніковая табліца дзіцячага конкурсу «Эўрабачаньне-2006»

1. Расея – 154 балы:

2. Беларусь –129

3. Швэцыя – 116

4. Гішпанія –90

5. Сэрбія – 81

6. Румынія – 80

7. Бэльгія –71

8. Украіна – 58

8. Кіпр – 58

10. Харватыя – 50

11. Мальта – 48

12. Нідэрлянды – 44

13. Грэцыя – 35

14. Партугалія – 22

15. Македонія – 14

З выкарыстаньнем інфармацыі БЕЛТА, ИА REGNUM

Фота Афіцыйны сайт Андрэя Кунца

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзеру