Лукашэнка: Тайм-аўт у адносінах з ЕС не задоўжыцца 3

«У адносінах з ЕС узяты тайм-аўт, — заявіў Аляксандр Лукашэнка ў сваім пасланні да нацыянальнага схода і народа. — Гэты тайм-аўт не задоўжыцца — мы патрэбныя адзін аднаму», — сказаў ён.

Паводле слоў Лукашэнкі, некаторыя краіны Еўрасаюза «добра разумеюць бесперспектыўнасць ізаляцыі нашай дзяржавы і яе адхілення ад вырашэння галоўных для ўсяго кантынента пытанняў».

Як вядома, Еўрасаюз патрабуе ад Лукашэнкі датрымання еўрапейскіх прынцыпаў: правоў чалавека, у тым ліку палітычных, свабоды слова і сходу, а таксама спынення варожых у дачыненні да ЕС дзеянняў.

Па меркаванні экспертаў, Лукашэнка мае патрэбу ў нармалізацыі адносін з ЕС з прычыны эканамічных цяжкасцяў, з якімі сутыкнулася Беларусь.

СГ

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ