«Беларусбанк» устанавіў шэраг абмежаванняў пры ажыццяўленні аперацый з міжнароднымі пластыкавымі карткамі 2

Найбуйнейшы беларускі банк ААТ «ААБ «Беларусбанк» з 21 красавіка ўстанавіў шэраг абмежаванняў па ажыццяўленні наяўных і безнаяўных аперацый з грашовымі сродкамі з выкарыстаннем міжнародных банкаўскіх пластыкавых картак.

Згодна з паведамленнем на сайце банка, з 21 красавіка ўстаноўлены абмежаванні на аперацыі зняцця наяўных грашовых сродкаў і безнаяўныя аперацыі за межамі Беларусі з выкарыстаннем міжнародных банкаўскіх пластыкавых картак (за выключэннем картак Visa Gold, MasterCard Gold), аформленых з адкрыццём карт-рахунку толькі ў беларускіх рублях, у эквіваленце 50 (пяцьдзесят) долараў ЗША на кожны тып аперацый на працягу 24 гадзін.

Акрамя таго, абмежаванні ўстаноўлены на аперацыі зняцця наяўных грашовых сродкаў і безнаяўныя аперацыі за межамі Беларусі з выкарыстаннем міжнародных банкаўскіх пластыкавых картак Visa Gold, MasterCard Gold, аформленых з адкрыццём карт-рахунку толькі ў беларускіх рублях, у эквіваленце 500 (пяцьсот) долараў на кожны тып аперацый на працягу сутак.

Абмежаванні таксама ўстаноўлены на аперацыі зняцця наяўных грашовых сродкаў за межамі Беларусі з выкарыстаннем мультывалютных міжнародных банкаўскіх пластыкавых картак (за выключэннем картак Visa Gold, MasterCard Gold, MasterCard Business), аформленых з адкрыццём карт-рахунку ў беларускіх рублях, у эквіваленце 50 (пяцьдзесят) долараў ЗША на працягу 24 гадзін; на аперацыі зняцця наяўных грашовых сродкаў за межамі Беларусі з выкарыстаннем мультывалютных міжнародных банкаўскіх пластыкавых картак Visa Gold, MasterCard Gold, аформленых з адкрыццём карт-рахунку ў беларускіх рублях, у эквіваленце 500 (пяцьсот) долараў ЗША на працягу 24 гадзін.

Акрамя таго, «Беларусбанкам» прыпынена ажыццяўленне аперацый па зняцці наяўных грашовых сродкаў у замежнай валюце ва ўстройствах ААТ «ААБ Беларусбанк» і іншых банкаў, а таксама безнаяўныя аперацыі ў замежнай валюце ва ўстройствах іншых банкаў на тэрыторыі Беларусі з выкарыстаннем банкаўскіх пластыкавых картак, прызначаных для выкарыстання толькі ў Беларусі, а таксама міжнародных банкаўскіх пластыкавых картак, аформленых з адкрыццём карт-рахунку толькі ў беларусіх рублях.

Таксама прыпынена:

— ажыццяўленне аперацый па зняцці наяўных грашовых сродкаў і безнаяўныя аперацыі ў замежнай валюце ва ўстройствах іншых банкаў на тэрыторыі Беларусі з выкарыстаннем мультывалютных міжнародных банкаўскіх пластыкавых картак, аформленых з адкрыццём карт-рахунку ў беларускіх рублях;

— адкрыццё карт-рахунку ў беларускіх рублях пры афармленні асабістых міжнародных банкаўскіх пластыкавых картак (у тым ліку мультывалютных) і да ўжо раней аформленых названых картак з адкрыццём карт-рахунку ў доларах ЗША (долары ЗША і еўра), а таксама афармленне і абнаўленне названых картак да карт-рахункаў у беларускіх рублях;

— адкрыццё карт-рахунку ў беларускіх рублях пры афармленні карпаратыўных міжнародных банкаўскіх пластыкавых картак (у тым ліку мультывалютных) і да ўжо раней аформленых названых картак з адкрыццём карт-рахунку ў доларах ЗША (долары ЗША і еўра), а таксама афармленне і абнаўленне названых картак да карт-рахункаў у беларускіх рублях.

Аляксей Арэшка, БелаПАН

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ