Адкрыццё Аляксандра Лукашэнкі, што сярод затрыманых па справе аб тэракце ёсць сябра Беларускага рэспубліканскага саюза моладзі, атрымала вельмі своеасаблівае развіццё.
У БЕЛТА, мяркуючы па ўсім, працуюць людзі з выдатным пачуццём гумару. Таму ўрадавае агенцтва папрасіла пракаментаваць прэзідэнцкае пасланне (так бы мовіць, «з боку моладзі») першага сакратара Віцебскага (!!!) гарадскога камітэта БРСМ Людмілу Кляменчанка.
У сваю чаргу, гэтая дзяўчына, высока ацаніўшы зварот кіраўніка дзяржавы, на закуску выдала ашаламляльную фразу:
«У нашую моладзевую арганізацыю прыходзяць творчыя маладыя людзі, кожны з якіх мае лідарскія якасцямі, таму нашая задача — дапамагчы ім максімальна раскрыцца, самавызначыцца, а галоўнае — стаць Чалавекам з вялікай літары».
Гучыць забойна — у кантэксце таго, што адзін з затрыманых, зыходзячы з заяваў Лукашэнкі, з’яўляецца сябрам віцебскага БРСМ.
Можа, праваахоўным органам варта больш уважліва прыгледзецца да гэтай моладзевай арганізацыі? Пакуль яна не дапамагла «раскрыцца» і «самавызначыцца»каму-небудзь яшчэ…
0
0
0
0
0
0