«Тата, мы хочам, каб ты зусім да нас прыехаў» 13

Уладзімір Халіп, бацька журналісткі Ірыны Халіп, перадаў у рэдакцыю Хартия97 ліст Даніка да таты.

«Высылаю ліст Данькі Саннікава, які ён прадыктаваў для свайго бацькі. Ніякіх зменаў я не рабіў, усё як ёсць. Гэты ліст быў бы толькі асабістай справай Данькі, калі б не адна істотная акалічнасць. 15 мая яму спаўняецца чатыры гады. Першым на гэта звярнуў ўвагу чалавек з Драздоў. Рыхтуе малому спецыяльны падарунак — суды над бацькамі Данькі. І таму, напэўна, варта было б узгадаць гэты сціплы тэкст з краіны, якой «зайздросціць ўвесь свет», піша Уладзімір Халіп.

***

О, мой любы тата!

Я так люблю цябе! Хачу, каб ты не вазіўся са тваёй працай. Калі ласка, тата, прыязджай да нас.

Я хачу, каб ты прывёз мне што-небудзь смачнае і машынку. З добрым сэрцам, тата. Мы з маёй мамай хочам, каб ты хутчэй прыехаў. Тата, калі ты не зможаш прыехаць, калі ласка, папрасі тых, хто пасылае сувязь, вярнуць нам сувязь. Тата, мы хочам, каб ты зусім да нас прыехаў.

З любоўю, Даня.

У мамы прастуда і ёй нельга выходзіць. Таму мы выходзім толькі з цёткай Таняй, бабуляй і дзедам.

***

Суд над Андрэем Саннікавым распачнецца 27 красавіка, працэс будзе праходзіць у судзе Партызанскага раёна сталіцы.

Былы кандыдат у прэзідэнты Андрэй Саннікаў абвінавачваецца ў арганізацыі «масавых беспарадкаў» і яму пагражае да 15 гадоў пазбаўлення волі. Вечарам 19 снежня ён быў жорстка збіты, і ад ночы прэзідэнцкіх выбараў знаходзіцца ў СІЗА КДБ.

Хартыя'97

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ